वाशिम नगरपरिषदेत परंपरा कायम! उपाध्यक्षपदी शिवसेना (उद्धव)चे राजू भांदुर्गे अविरोध

दरम्यान, वाशिम नगरपरिषद स्वीकृत सदस्य म्हणून सौ. रेखा सुरेश मापारी (शिवसेना), गणेश खंडाळकर (भाजप) आणि निलेश जीवनानी यांची निवड करण्यात आली आहे. नगरपरिषदेत सर्वपक्षीय समन्वय राखत प्रशासन अधिक सक्षम करण्याचा प्रयत्न असल्याचे यावेळी स्पष्ट झाले.

नुकत्याच पार पडलेल्या नगरपरिषद निवडणुकीत अध्यक्षपदी अनिल केंदळे हे निवडून आले असून भाजपाचे 14, शिवसेना (उद्धव)चे 13, काँग्रेसचे 2, एमआयएमचे 2 आणि 1 अपक्ष असे संख्याबळ आहे. मात्र, पक्षविरहित भूमिका घेत शहराचा सर्वांगीण विकास साधण्याचा निर्धार नगराध्यक्षांनी व्यक्त केला आहे.

या मतदारसंघाचे आमदार श्याम खोडे आणि खासदार संजय भाऊ देशमुख यांनी मागील निवडणुकीप्रमाणेच यंदाही शिवसेना-भाजप परंपरागत फॉर्म्युला कायम ठेवत वाशिम नगरपरिषदेत पुन्हा एकदा इतिहास घडवून आणला आहे.